Die Nöiji Sachlichkäit isch e Kunstströömig im Dütsche Rich in dr Zwüschechriegszit gsi. Si het verschidnigi Kunstgattige umfasst wie d Moolerei, die bildendi Kunst und dr Film. Dr Begriff isch 1925 brägt worde as dr Ditel von ere stark beachdete Usstellig vo nooch-expressionistischer Kunst in dr Kunsthalle Mannheim. Dr Zitraame vo dr Nöije Sachlichkäit wird mit däm vo dr Weimarer Republik gliichgsetzt: vo 1918 bis 1933. Si het het grad noch em Erste Wältchrieg iigsetzt, wo sich e Hufe Künstler mit sozialkritische Bildthemene usenandergsetzt häi und isch 1933 mit dr Machtergriffig vo de Nazionalsozialiste und dr Gliichschaltig vo de Medie z Änd gange.